Трамп: Иран се обидува да постигне договор, но малку е доцна за тоа

Американскиот претседател Доналд Трамп, изјави дека Иран се обидува да постигне договор со САД, но дека, според него, тоа е „малку доцна“.

Трамп рече дека иранската страна бара начин да постигне договор, објави Си-Би-Ес.

„Тие се јавуваат, прашуваат: „Како можеме да постигнеме договор?“ Јас реков: „Малку доцните““, рече Трамп, додавајќи дека во моментов Соединетите Американски Држави сакаат да продолжат да се борат повеќе од Иран.

Тој изјави дека американската армија, заедно со Израел, ги продолжува своите операции против Иран.

„Војската на САД, заедно со прекрасни израелски партнери, продолжува целосно да го уништува непријателот далеку пред предвидениот рок и на нивоа што никогаш порано не се видени“, рече Трамп.

Според него, „американските и израелските сили уништуваат ирански ракети и беспилотни летала, а за три дена беа потопени 24 бродови на иранската морнарица, додека воздушната одбрана, авионите, комуникациите и дел од лансирните рампи беа исто така уништени“.

Американскиот претседател, исто така, го повика израелскиот претседател Исак Херцог да му даде помилување на премиерот Бенјамин Нетанјаху, односно да го ослободи од обвиненијата за корупција, велејќи дека „премиерот не треба да има ништо на ум освен војна со Иран“.

„Претседателот Херцог мора да му даде помилување на Биби (прекар Нетанјаху) денес. Не сакам ништо да го вознемирува Биби освен војната со Иран. Херцог е срам, пет пати ми вети дека ќе му даде помилување на Биби“, рече Трамп денес во интервју за израелската телевизија N12.