Трамп го претстави буџетот за 2019 вреден 4.400 милијарди долари
Американскиот претседател Доналд Трамп денеска го претстави буџетот „тежок" 4.400 милијарди долари за 2019 година, предвидувајќи буџетски дефицит од 984 милијарди долари.
Американски медиуми сметаат дека, сепак, дефицитот ќе достигне 1.200 милијарди долари по минатонеделниот буџетски договор и издвоените 90 милијарди долари наменети за ублажување на ефектите од природните катастрофи.
Медиумите потсетуваат дека тоа е дури и двојно поголем дефицит во споредба со минатогодишните ветувања на администрацијата на Трамп.
Буџетскиот план предвидува пад на буџетските приходи од 3.7 милијарди долари во периодот од 2018 до 2027 година.
Предлог- буџетот на Трамп вклучува и околу 1.500 милијарди долари за реконструкција на патишта, автопати, пристаништа и аеродроми за период од 10 години.
Планот се заснова на користење на 200 милијарди долари од федералниот буџет за поттикнување на локалната самоуправа и сојузните држави да инвестираат во инфраструктурни проекти.
Американскиот претседател во неколку наврати рече дека државните патишта и автопатишта кои „се распаѓаат“ ја кочат американската економија во нејзините напори да го оствари својот целосен потенцијал.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација