Трамп денеска телефонски ќе разговара со петмина светски лидери
Американскиот претседател Доналд Трамп, кој води активна дипломатска политика од стапувањето на должност на 20 јануари, денеска ќе има телефонски разговори со петмина светски лидери, соопшти Белата куќа.
Планирано е Трамп да разговара со рускиот претседател Владимир Путин, со јапонскит премиер Шинѕо Абе, со автралискиот премиер Малком Трнбул, германската канцеларка Ангела Меркел и со францускиот претседател Франсоа Оланд.
Абе беше првиот странски лидер, кој се сретна со Трамп, по неговиот избор за претседател. Тој го посети Њујорк девет дена по победата на изборите на 8 ноември.
Тие двајца денеска ќе разговараат неколку дена по одлуката на Трамп да ги повлече САД од Транспацифичкото партнерство, спогодба за слободна трговиоја склучена во 2015 година од 12 земји.
Јапонскит премиер изјави дека ќе се обиде да го убеди Трамп во важноста на ова партнерство, но додаде дека ја разгледува и варијантата Токио и Вашингтон да договорат билатерална трговска спогодба.
Трамп утре ќе има телефонски разговор и со Меркел, јавуват германските медиуми кои што цитираат пост на социјалната мрежа Твитер, објавен од портпаролот на Белата Куќа Шон Спајсер.
Извор во германската федерална Влада потврдил дека канцеларката ќе разговара со Трамп но официјално од кабинетот на Меркел нема коментар за најавите од Вашингтон,
Германските медиуми се уште не објавуваат информации за можните теми за кои што ќе се разговара меѓу лидерите на САД и Германија.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари