Трагедија: Единаесет лица загинаа во пожар во Чиле
Единаесет лица загинаа во најголемиот шумски пожар во историјата на Чиле, соопшти вчера Владата.
Шеесет годишен маж е пронајден мртов во околината на градот Контитусион. Уште десет лица загинаа изминатите две недели во пожарот, вклучувајќи шестмина пожарникари и двајца полицајци.
Зоната погодена од пожарот двојно се зголеми изминатите два дена и достигна плоштина од 3.870 квадратни километри, соопшти Националната агенција за шумите. Таа плоштина е поголемна од островот Мајорка.
Во централниот и јужниот дел на земјата се уште горат 130 пожара, од кои 61 се надвор од контрола. Високите температури од над 35 степени и силните ветрови ги отежнуваат обидите за нивно гаснење.
Околу четири илјади пожарникари се мобилизирани да ги изгаснат пожарите, во кои изгореа 11 илјади куќи. На терен работат 500 пожарникари од Франција, Перу, Португалија, Шпанија, Колумбија и Аргентина.
Во средата во гаснењето се вклучи и најголемиот пожарникарски авион во светот „супертанкер“ со капацитет од 72 тони вода.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата