Тошковски: Пиротехниката во дискотеката „Пулс“ ја донел бендот „ДНК“

Пиротехниката во дискотеката „Пулс“ во Кочани ја донел бендот „ДНК“, информира министерот за внатрешни работи, Панче Тошковски. Лицето кое било задолжено за нивна употреба е починато.

По завршување на увидот, ќе биде доставен извештај на ОЈО, по што ќе се утврди дали истите требале да поседуваат одреден сертификат за употреба.

Според Тошковски, дискотеката работела во објект чија што намена е лесна индустрија, а не угостителство. За цел клуб имало само два противпожарни апарати. Концертот бил одржан „на диво“ бидејќи немало писмен договор меѓу организаторот и оддржувачите.

-МВР не било известено за таков настан. Таква информација до нас не е доставена. Согласно закон, пропишано е како треба да се обезбедува ваков настан ,рече Тошковски на денешната прес-конференција.

Од „прскалките“ започнале првите искри по што се запалил таванскиот простор и кровната конструкција.