Спорт плус
29. September 2015 - 15:58

Токио предложи пет нови спортови за ЛОИ 2020

 
 Организаторите на Олимписките игри во Токио предложија олимписката понуда во 2020 година да биде збогатена со пет нови спортови.
 
На Олимпијадата во Јапонија постои можност да бидат вклучени бејзбол/софтбол, карате, скејтбординг, спортско качување и сурфање.
 
Препорака на организаторите на Игрите во Токио за прием на новите спортови ќе биде претставена пред Меѓународниот олимписки комитет (ИОК) кој конечната одлука ќе ја донесе во Рио де Жанеиро во август идната година.
 
Според правилата на МОК градот домаќин на Игрите има право да предложи проширување на олимписката палета, за еден или повеќе спортови, но конечната одлука останува на организаторот.