Тилерсон: Ќе продолжиме да бараме мирно решение за ситуацијата со Северна Кореја

Американскиот државен секретар Рекс Тилерсон изјави денеска дека лансирањето на трите балистички ракети од страна на Северна Кореја, било провокација, но оти САД ќе продолжат да бараат мирно решение. 

- Ние на тоа гледаме како провокација против САД и нашите сојузници. Ќе продолжиме да бараме мирно решение, да работиме со сојузниците, да соработуваме со Кина, за да видиме дали можеме режимот во Пјонгјанг да го доведе на преговарачка маса, истакна Тилерсон.