Тилерсон ја поздрави „воздржаноста“ на Северна Кореја
Американскиот државен секретар Рекс Тилерсон ја поздрави, како што нагласи, „воздржаноста“ која Северна Кореја ја покажува во последно време кон својата нуклеарна програма, додавајќи дека тоа би можело да значи отворање пат кон можен дијалог меѓу Вашингтон и Пјонгјанг.
- Немавме истрелувања на ракети, ниту провокации од страна на Северна Кореја, откако едногласно беше усвоена резолуцијата на Советот за безбедност на ОН, изјави Тилерсон.
Тој изрази надеж дека тоа е „почеток на сигналот кој го чекаа САД, дека тие се подготвени да го ограничат своето ниво на тензии, провокациите, а можеби е и пат кон евентуален иден дијалог“.
Сепак, во меѓувреме, Северна Кореја објави пропагандна видео снимка, со која се заканува со истрелување ракети во близина на американската територија Гуам, истовремено заканувајќи им се на САД со „немилосрдна одмазда“ поради игнорирањето на предупредувањата од страна на Пјонгјанг во врска со воените вежби на САД и Јужна Кореја.
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден