Фудбал
1. November 2017 - 16:55

Тиквеш спонзор на Црвена Звезда

Спортското друштво Црвена звезда својот спонзорски тим го засили со компанијата „М6“. Станува збор за соработка помеѓу фудбалскиот и кошаркарскиот тим на Црвена звезда и брендовите „Тиквеш“ и „БИП“.
 
„Сакам посебно да ги поздравам нашите деловни партнери, директорот на’ БИП’ Александар Поповски, директорот на „Тиквеш“ Радош Вукичевиќ и да му изразам голема благодарност на сопственикот и директор на компанијата ‘М6’, Светозар Јаневски, што во Црвена звезда препознаа можност со заедничко дејствување да работат на освојување на пазарите за своите производи користејќи го најголемиот српски и регионален бренд Црвена звезда“, рекол претседателот на Собранието на спортското друштво Црвена звезда, Петар Шкундриќ.
 
„Делиме исти вредности и тоа е нашиот мотив за поддршка на Црвена звезда. Тоа е традиција, константата во квалитетот и амбицијата да бидеме први, први во регионот, први во Европа. Се надевам дека заеднички ќе се искачиме на европскиот врв“, рекол генералниот директор на „Тиквеш“, Радош Вукичевиќ.