Тевдовски: Растот на царинските приходи за 11 отсто е показател за зголемена економска активност
До 22 август приходите од царини, ДДВ и акцизи се зголемени за 11 проценти во однос на минатата година што е директен доказ за зголемената економска активност, истакна министерот за финансии Драган Тевдовски на денешниот состанок со директорот на Царинската Управа, Ѓоко Танасоски.
На состанокот, соопшти Министерството за финансии, беа дискутирани клучните придобивки од новите измени на Царинскиот закон кои стапија на сила од 11 август.
Компаниите имаат можност стекнатиот статус за овластен економски оператор да го користат во рамките на ЦЕФТА. Царинската управа преку стопанските комори веќе го промовираше концептот со цел компаниите да се запознаат со неговите придобивки.
Во законот се намалуваат и казните за полесните прекршоци. Со промените, за пропуштен рок или неуредна документација глобите се намалени од 250 на 50 евра за правно лице и од 50 на 15 евра за физичко лице.
Во соопштението наведуваат дека Министерството за финансии заедно со Царинската управа работи на воведувањето на безхартиено царинење и one stop shop на граничните премини. Следната година се очекува да се завршат и градежните работи на нов терминал на граничниот премин Ќафасан со финансиски средства од ИПА програмата на ЕУ.
Клучно за подобрување на услугите на управите во рамки на Министерството за финансии е токму автоматизацијата на процесите.
Ново на Сител
-
Учениците од утре на пролетен распуст, наставата ќе продолжи на 7 мај
-
Изборната кампања за двојните избори влегува во втората половина
-
Денеска е Цветници
-
Демократскиот сојуз ќе го одржи седмиот Конгрес
-
Во центарот на Куманово ќе биде откриен мурал со ликот на Бобан Трајковски кој беше убиен пред 23 години кај Вејце
-
Најмалку пет лица загинаа во торнадо во јужна Кина
-
Зеленски: На Украина и требаат најмалку седум ПВО системи „Патриот“
-
Сончево и релативно топло