Македонија
3. September 2016 - 18:17

Тешко повреден моторџија во Куманово

Возач на мотор е тешко повреден во сообраќајна несреќа што се случи денеска околу 14:45 часот во Куманово, соопшти полицијата.

Сообраќајната несреќа се случила на крстосницата на улиците „Никола Тесла“ и „Доне Божинов“ во близина на кумановската населба Средорек.

Триесет и едногодишниот мотоциклист Д.Д. движејќи се мотор со кумановски регистарски ознаки од населбата „Карпош“ кон центарот на Куманово изгубил контрола и паднал на коловозот.

Тој бил префрлен на Одделението за хирургија во кумановската болница каде му се констатирани тешки телесни повреди и поради сериозноста на повредите префрлен е на скопските клиники.

Увидот што го изврши полицијата ќе ги покаже причините за оваа сообраќајна несреќа.