Тешки кражби во Тетово и Гостивар
Вкупно 560.000 денари вреден златен накит и пари се одземени од засега непознати сторители при две тешки кражби вчера во Тетово и Гостивар, информира портпаролот на СВР Тетово Марјан Јосифовски.
Кражбата во Тетово била извршена во куќата на М.М.(47) на улицата Јордан Златаноски во периодот од 19 до 22:30 часот додека сопственикот со семејството бил на гости. Разбојниците ја отвориле дрвената балконска врата од кујната, ги пребарале собите на приземјето и катот, од комода одзеле две црвени кутии во кои имало разновиден златен накит, комлети, алки, прстени,..., паричник со скоро 300 евра, лична карта и здравстевна легитимација од сопругата на сопственикот по што избегале.
- Вкупната вредност на одземеното се проценува на околу 400.000 денари а полицијата по извршениот увид работи на расчистување на случајот рече Јосифовски.
Кражбата во Гостивар, според пријавата на И.М.(42) од Скопско, била извршена од неговото службено комбе меѓу 12 и 14:30 часот додека тој заедно со својот колега Р.И.(27) бил на молитва во верски објект на улицата Бањешница во Гостивар. Одземена била блуза во која имало дневен промет на фирмата во денари и девизи, околу 2.500 евра и мобилен телефон.
- Вкупната вредност на одземеното се проценува на околу 160.000 денари. Се работи на утврдување на идентитетот на сторителите и на начинот на кој е извршена кражбата, рече Јосифовски.
Ново на Сител
-
Инаугурација на новата претседателка Гордана Сиљановска Давкова
-
ВМРО- ДПМНЕ и Вреди договорија начела за соработка за идна влада
-
Швајцарија победи на Евровизија
-
Во Скопје посебен сообраќаен режим поради улична трка
-
Бајден: Прекин на огнот во Газа е можен уште утре, доколку Хамас ги ослободи заложниците
-
Рама денеска ќе одржи собир во Атина за Албанците кои живеат во Грција
-
Литванците денеска гласаат за претседател
-
Сообраќајот на патиштатa се одвива непречено, по суви коловози