Тешка сообраќајка во Куманово, едно лице итно пренесено во Ургентен

Тешка сообраќајна несреќа се случила во Куманово, едно лице е повредено. Како што стои во билтенот на МВР, вчера околу 13.00 часот на крстосницата од улица „Никшиќка“ и улица „Титова Митровачка“ во Куманово, се случила сообраќајна незгода помеѓу товарно возило „Пежо“ со прилепски регистарски ознаки, управувано од М.Ј.(47) од Прилеп и мопед „Баотиан“ со кумановски регистарски ознаки, управуван од Б.С.(34) од Куманово.

Притоа, со тешки телесни повреди се здобил возачот на мопедот, кој бил пренесен во Ургентен центар при комплексот клиники „Мајка Тереза“ Скопје.

По укажаната помош тој бил задржан на лекување. Увид на местото извршила екипа од СВР-Куманово.