Свет
31. March 2018 - 9:41

Телефонски разговор Ердоган - Трамп

Претседателот на Турција, Реџеп Тајип Ердоган синоќа телефонски разговараше со американскиот претседател Доналд Трамп за билатералните односи и регионалните проблеми, изјави неименуван претставник на турските власти.

Според него, Ердоган и Трамп разговарале за ситуацијата во Сирија, Ирак и Појасот Газа, како и за борбата против тероризмот. Двајцата лидери се договориле за интензивирање на соработката и координација помеѓу двете земји.

Доналд Трамп у Реџеп Тајип Ердоган

Сопред соопштение на Белата куќа разговорот Трамп - Ердоган бил посветен на „регионалните настани и стратешкото партнерство на САД и Турција“.

- Двајцата лидери изразија поддршка за продолжување на напорите за зајакнување на соработката помеѓу двете држави, за заштита на заедничките интереси како сојузници во НАТО и решавање на проблемите кои влијаат на билатералните односи, посочи Белата куќа.