Тажна вест: Ненадејно почина познат македонски лекар

Здружение на бубрежно болни граѓани НЕФРОН известува дека вчера ненадејно почина Прим.др.Љубинко Трпеноски.  

 

Љубинко Трпеноски е роден 1952год. во Октиси, Струшко. Дипломирал на Медицинскиот факултет во Скопје во 1981г. , во 1989 година специјализирал Интерна Медицина на Медицинскиот факултет во Скопје.Бил на неколку стручни усовршувања во Љубљана-Словенија , Нирнберг, Улм и Штеглиц - Германија. Својот животен век го посветил на нефролошката дејност и пациентите на дијализа во Р.Македонија како лекар и раководител на центрите за дијализа во Заводот за нефрологија во Струга и Воената Болница во Скопје. Работел и како интернист во други здравствени установи. Член е на повеќе стручни здруженија на лекари и еден од основачите на Здружението на бубрежно болни граѓани НЕФРОН во 2003 година. Во Здружението Нефрон е член и претседател на Извршниот одбор и претседател на Собранието. 

 

 

Како голем борец за правата на пациентите и на лекарите истовремено јавноста ќе го памети по неговите залагања за развој и унапредување на дијализното лекување и трансплантацијата на бубрези во Р.Македонија, особени за развој на кадаверичната трансплантација. Погребот ќе се изврши на ден 3.7.2017г. на Градските гробишта во Струга од 13ч. Телото ќе биде изложено во капела од 11 до 13ч.