„Тандем“ илјада

Лионел Меси и Крстијано Роналдо ќе останат запаметени како едни од најдобрите фудбалери на сите времиња. Покрај играчките квалитети и податокот дека во изминатите десет години, осум пати ја добивале престижната „Златна топка“ (Меси пет пати, Роналдо три пати), на нивна страна е и статистиката, која вели дека овие двајца од почетокот на своите кариери заедно имаат постигнато 1.000 голови.

 

Барселона, во саботата, славеше над Атлетико Мадрид 2:1, а првиот гол за Каталонците го постигна Меси. Со овој гол тој и Роналдо стигнаа до 1.000 погодоци од почетокот на своите кариери.

 

Меси, во досегашната кариера има одиграно 613, а голот против Атлетико беше 482-от во кариерата, од друга страна Роналдо на 773 натпревари постигнал 518. Заедно, на 74 натпревари постигнале ‘хет-трик’ (Меси 36, Роналдо 38). Аргентинецот во просек ги тресе мрежите на секој 0,79 натпревари, а Роналдо на 0.67.

 

Меси (28) и две години повозрасниот Роналдо досега освоиле 42 трофеи (Меси 26, Роналдо 16).