Талески: Одигравме добра одбрана

Младинската ракометна репрезентација на Македонија со сигурна игра во сите 60 минути стигна до победата над Полска на стартот од натпреварите од квалификациската група. Противникот беше поразен со 30:22, а капитенот на нашиот тим Филип Талески постигна 5 голови, но беше на ниво и во одбраната и во нападот.

- Целиот акцент беше на играта на Полска за да поченме со победа. Одигравме добра одбрана заедно со голманите. Дадовме лесни голови од десната крилна позиција и имавме висока предност веќе на полувремето, што успеавме да ја зачуваме. Португалија не ја гледавме од причина што бевме сконцентрирани на Полска. Натпреварот е снимен од страна на нашиот стручен штаб и веќе вечер и утре до дуелот ќе направиме анализа. До крајот на квалификациите имаме уште 120 минути, но следните 60 се најважни, истакна Талески по дуелот.

Македонија со победа над Португалија ќе биде чекор поблиску до првото место во групата кое носи пласман на СП во Алжир.