Тачи ветува работа на брзо воспоставување на војската на Косово

Новоизбраниот косовски претседател Хашим Тачи изјави дека неговото стапување на должност ќе биде посебен ден за „европско Косово“ и вети дека ќе работи на брзо формирање на оружените сили и интеграција на Косово во НАТО, пренесува приштинскиот весник „Епока е ре“.

Тој во интервју за „Топ ченел“ рече дека како претседател на Косово, но и командант на оружените сили, ќе работи на брзо воспоставување на Војската на Косово и почеток на партнерството за мир, за Косово за пет години да се интегрира во НАТО, пренесува весникот.

На прашањето за Специјалниот суд за поранешна ОВК наведени во извештајот на Дик Марти, тој рече дека Косово ги исполнило своите обврски и оти „нема што да крие“.