Тачи: Косово ги исполни условите за добивање визна либерализација
Косовскиот претседател Хашим Тачи изјави за време на неговиот последен престој во Брисел му било речено дека Косово веќе ги исполнило сите 95 критериуми, што му беа поставени како услов за добивање визна либерализација.
Тали нагласи дека Косово направило конкретни чекори за зајакнување на владеењето на правото и оти бележи напредок во борбата против корупцијата, но дека треба уште да се направи во тој правец.
На состанокот на Националниот совет против корупцијата, тој призна дека борбата против организираниот криминал и корупцијата не е лесна, но се уште има работа што треба да се направи.
- Во текот на изминатите десет години, Косово презеде голем број активности за владеење на правото. Косово усвои законодавство во оваа област. Косово имаше предизвици во спроведувањето на законодавството. Овој процес чија цел е зајакнување на механизмите за борба против корупцијата ја има мојата целосна подршка, нагласи Тачи.
Тој посочи дека постепено бројот на судии и обвинители се зголемува, а зголемен е и буџетот за институциите за владеење на правото.
Меѓу досегашните усвоени закони во борбата против корупцијата, тој го наведе кривичниот законик, законот за кривична постапка, законот за судовите, за Советот на обвинители, за полицијата, Агенцијата за спречување на корупција, Законот за спречување судир на интереси и други закони.
Ново на Сител
-
Последен работен ден за пратениците од овој состав
-
Информативен ден на НАТО програмата „наука за мир и безбедност“
-
Мисија на УНЕСКО во Охрид
-
Преглед на вестите од светот
-
Тема на денот со Филип Рикер, поранешен амбасадор на САД во Македонија
-
„Алкалоид“ пушти во употреба нов светски погон за производство на лекови вреден 19.4 милиони евра
-
Четири години Македонија членка на НАТО
-
Гир: Не е точно дека ЕУ не ја сака Македонија, членството е лесно достижно