СЗО: Вирусот зика предизвикува и невролошки нарушувања

Последниве недели забележан е пораст на невролошките нарушувања во неколку земји во Латиснка Америка, во кои е регистрирана епидемија на вирусот зика, соопшти денеска Светската здравстевна организација (СЗО). 

Во редовниот неделен извештај на СЗО, објавен во Женева, се посочува дека во Бразил, Колумбија, Салвадор, Суринам и Венецуела се регистрирани зголемен број случаи на невролошкото нарушување Гилен-Бераеов синдром (ГБС), кој може да предизвика времена парализа.

Според СЗО, причината за растот на бројот на случаи на ГБС во овие земји засега не е позната, но најверојатно е поврзан со ширењето на вирусот зика, кој го пренесуваат комарците.

- Појавата на синдромот во овие земји доаѓа во исто време со ширењето на некои вируси, како што се зика, денга и чикунгуња, наведува СЗО во извештајот.

Според податоците на Организацијата, случаи на лица инфицирани со вирусот зика досега се регистрирани во 33 земји ширум светот, од кои најголемиот број во Јужна Америка и Карибскиот регион. 

Како последица на епидиемијата на вирусот зика на американскиот континет е регистиран и пораст на случите на микорцефалија, ретко нарушување при кое се раѓаат деца со помали глави и мозоци од вообичаните.

Во случаите на појава на микроцефалија кај новороденчињата е утврдено дека нивните мајки биле инфицирани со вирусот зика во текот на бременоста.