СЗО: Омикрон варијантата на коронавирус утврдена во 63 земји во светот
– Омикрон варијантата на коронавирусот е утврдена во 63 земји во светот, соопшти Светската здравствена организација (СЗО), прецизирајќи дека податоците се заклучно со 9 декември.
Според СЗО, варијантата Омикрон е позаразна од Делта и ја намалува ефикасноста на вакцините, но предизвикува поблаги симптоми, како што покажуваат првичните податоци.
Побрзо ширење на варијантата Омикрон е забележано во Јужна Африка, каде што варијантата Делта е помалку распространета, но и во Обединетото Кралство, каде што Делта е доминантна варијанта.
Сепак, поради недостиг на податоци, не може да се каже дали стапката на ширење на варијантата Омикрон се должи на фактот дека таа е помалку подложна на имунолошки одговор, дека полесно се пренесува или е комбинација од двете.
Првичните податоци покажуваат дека вакцините се помалку ефикасни во однос на заразата и ширењето на Омикрон, констатира СЗО.
Досегашните набљудувања покажаа дека Омикрон предизвикува блага форма на зараза или асимптоматски инфекции, но според СЗО, податоците се недоволни за да се утврди клиничката тежина на оваа варијанта.
Ново на Сител
-
Русија предлага втора рунда директни преговори со Украина во Истанбул в понедленик
-
САД објавија нова политика за визни ограничувања против странци кои „цензурираат“ Американци
-
Собранието го донесе Законот за ратификација на Договорот со Обединетото Кралство
-
Пред нас се неколку години со екстремно високи температури - предупредија најголемите метеоролошки служби во светот
-
Извештај на ДИА: Албанската мафија добива лидерство во шверцот со кокаин
-
Средба Сиљановска-Давкова – Токајев во Астана, изразена подготвеност за унапредување на севкупните односи со Казахстан
-
Израел го потврди убиството на лидерот на Хамас
-
Собраниска расправа за меѓувладиниот договор со Обединетото Kралство во врска со партнерство за реализација на инфраструктурни проекти