Светска премиера на „Шишка Делукс” на Филмскиот фестивал во Монтреал

Филмот „Шишка Делукс”, ко-продукција меѓу Перфо од Словенија, Кино Око од Македонија и Еволушн Филмск од Чешка, во режија на Јан Цвитиковиќ, ќе ја има својата светска премиера на Филмскиот фестивал во Монтреал што ќе се одржи од 27 август до 7 септември.

 

Главните улоги во филмот ги толкуваат: Жига Фидрансперг, Давид Фурлан, Марко Миладиновиќ, Перо Арсовски и Андријана Бошкоска-Батиќ и други.

 

Во авторскиот дел од Македонија се вклучени и сценографот Иван Бартлинг, Жаклина Крстевска како костимограф и Горан Игњатовски како шминкер/маскер. Македонски копродуцент е Роберт Насков преку продуцентската куќа „Кино око".

 

Филмот е финансиран од Агенцијата за филм на Република Македонија.