Супервелеслалом: Победа за Килде

Норвежанецот Александер Омот Килде победи на трката во супервелеслалом, која во саботата се одржа во Хинтерштодер.

 

Килде до втората победа оваа сезона дојде со вкупно време 1:29.89 минути. Првата победа во сезоната, Килде ја забележа во спустот во Гармиш.

 

Второто место, со задоцнување од 24 стотинки му припадна на Боштјан Клине од Словенија, додека трет заврши специјалистот за технички дисциплини, кој вообичаено не настапува во спуст и супервелеслалом, Марсел Хиршер.

 

Австриецот Хиршер, со третото место, ја зголеми предноста во генералниот пласман, тој има 1225 бодови, 203 повеќе од Хенрик Кристоферсен.