Сугарески: Средствата за гасоводот што нема да се искористат, ќе се пренаменат
Средствата планирани за изградба на гасоводот што нема да бидат искористени до крајот на годината, ќе се пренаменат за реализација на други проекти, најави министерот за транспорт и врски Горан Сугарески.
Планираните средства во Буџетот за оваа намена изнесуваа две милијарди денари.
- Се што сметаме дека може да се потроши до крајот на годината ќе остане во Буџетот и ќе се трошат тие пари во реализација на капиталните инвестиции. Се останато, ако се процени дека дел од тие средства може да се потрошат во други ставки, ќе може да се префрлат, изјави Сугарески, одговарајќи на новинарско прашање дали парите наменети за гасоводот ќе се пренаменат бидејќи има застој во изградбата.
Пред денешното одбележување на 69-годишнината од основањето на Градежниот факултет, Сугарески најави дека евентуално би се крателе средства во делот на ПУИГ бидејќи имаат непотрошени средства од лани.
Комплетно се реализирани средствата во делот на железницата и средствата наменети за водоводна и канализациска мрежа.
Во однос на изградбата на автопатот Кичево-Охрид и преговорите со кинеската компанија „Синохидро“ која го гради овој автопат, денеска беше повторено дека се заштедени средства, односно оти се намалените цените од првичните кои ги бараше кинеската компанија.
- Во моментов сме вклучени во преговорите со кинеската компанија „Синохидро“ околу намалување на цените. Почетната цена која Кинезите ја бараа беше 150 милиони, но дојдовме до бројка од 125 милиони и успеавме да заштедиме пари, изјави Дарко Мославац, декан на Градежниот факултет во Скопје
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка