Судски совет назначи в.д. претседател на Апелациски додека трае вонредното оценување на кандидатите

Судскиот совет на денешната седница нема да избира претседател на Апелацискиот суд Скопје, туку назначи в.д.  претседател додека трае вонредното оценување на судиските кандидати.

Вонредното оценување го побара членот на Судскиот совет Влатко Самарџиски, кој рече дека тоа е согласно Законот.

Самарџиски додаде дека некои од кандидатите од Кривичниот суд биле ниско рангирани поради злоупотреби со годишниот распоред на судиите.

Предлогот на Самарџиски го поддржаа осум членови на Судскиот совет, додека шест беа против.

Членот на Судскиот совет Александра Зафировска се спротивстави за вонредното оценување на судиите, велејќи дека овој предлог е задоцнет.

Досегашната претседателка на Апелацискиот суд Скопје Љиљана Ивановска Шопова ја напушти функцијата поради заминување во пензија.