Судењето на напаѓачите на Села закажано за 26 јануари
Основниот суд Скопје 1 за 26 јануари го закажа почетокот на судењето на напаѓачите на лидерот на Алијансата за Албанците, Зијадин Села, кои се товарат за обид за убиство.
Судењето, како што потврдија за МИА извори од Кривичен суд, ќе почне во 10 часот, а ќе го води судијката Славица Андреевска.
Села беше еден од најтешко повредените за време на насилствата во Собранието од 27 април. За обидот за убиство на Села се обвинети десет лица, Кире Ѓоргиевски, неговиот татко Цане Ѓоргиевски, Оливер Ошавковски, Сашо Сенков, Николче Димитриевски, Александар Јаневски-Тошта, Андреј Мицов, Никола Војминовски, Коста Делов и Стојан Павлески – Кобра.
Дел од напаѓачите беа идентификувани со помош на граѓаните, откако МВР на својата веб-страница објави кадри од снимки од настаните во Собранието на кои беа обвинетите.
Судењето на напаѓачите на Села ќе биде трет предмет за настаните во Собранието.
Девет лица добија условни затворски казни поради учество во толпа што ќе спречи службено лице во вршење на службено дејствие. Судење имаше и против напаѓачот на актуелната министерка за одбрана, Радмила Шекеринска, кој беше осуден на четири години затвор.
Ново на Сител
-
Утре променливо облачно со повремен дожд, температура до 25 степени
-
Израел во состојба на готовност: Илјадници војници се префрлија на север поради страв од одмазда на Хезболах
-
Муцунски: Членството во НАТО придонесува за зајакнување на колективната безбедност
-
ЦУК апелира за редовно чистење на локалните одводни канали
-
Пациент почина на Инфективна поради компликации од Западно-нилска треска
-
Македонија воздржана: Генералното собрание на ОН ја поддржа палестинската резолуција за ставање крај на израелската окупација
-
Три последователни земјотреси ја погодија Грција
-
Софија реагира и обвинува за „провокации и навреди“ од Скопје