Судар на две возила во Скопје, три лица повредени

Вчера во 12,50 часот било пријавено дека на улицата „Скупи“ се случила сообраќајна незгода помеѓу патничко моторно возило „тојота корола“ со скопски регистарски ознаки, управувано од Д.Г.(56) од Скопје, и патничко моторно возило „опел астра“ со скопски регистарски ознаки, управувано од Џ.Ј.(24) од Скопје.

Во незгодата со тешки телесни повреди се здобила сопатничка од возилото „опел“ М.А.(57) од Скопје, на која и била укажана лекарска помош во Градската општа болница „Свети Наум Охридски“, а двајцата возачи се здобиле со телесни повреди. 

Увид на местото на настанот извршила увидна екипа од СВР-Скопје.