Суд во Бангкок ги ослободи од притвор студентите кои протестираа против воениот режим
Воениот суд во Бангкок денеска донесе решение за ослободување од притвор на 14-те студенти кои минатата недела беа притворени поради кршење на законот за вонредна состојба во Тајланд, со кој воената хунта забрани јавни собири на кои учествуваат повеќе од пет лица.
Притворањето на студентите, според аналитичарите, беше еден од најсериозните тестови за подготвеноста на воените власти по секоја цена да ги замрзнат политичките активности додека трае процесот за обнова на мирот и редот во Тајван.
Судската одлука ја искоментира и привремениот премиер, водачот на воениот удар од мај минатата година, генералот прајут Кан-ока. Тој изјави дека одлуката на Воениот суд за него е знак на милост кон младите студенти, но на нивните колеги им порача да се посветат на учењето, а да почекаат да се создадат услови за враќање на демократијата во Тајланд.
Прајут изјави дека е прерано да се размислува за формирање цивилна влада, потсетувајќи дека демократијата која до 22 мај 2014 година ја практикуваа владејачката партија на кланот Шинаватра и опозицијата, беше причина за непрекинати насилни демонстрации со над илјада ранети и над 200 загинати.
За да ги запре новите најавени протести на студентите, полицијата соопшти дека за неа случајот не е завршен и дека истрагата за мотивите поради кој студентите протестираа пред Владата во Бангкок ќе продолжи.
Ново на Сител
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана