Стратешко партнерство со Британија

Премиерот Мицкоски и британскиот премиер Стармер денеска во Тирана потпишаа Договор за стратешко партнерство.

Двајцата премиери имаа билатерална средба на која како што информираат од Владата, постигнале согласност за стратешко партнерство на земјава со Обединетото Кралство на Велика Британија и Северна Ирска.

Владини извори за Сител велат дека овој договор претставува стратешко позиционирање на Македонија во делот на интересите на една од најмоќните светски политички и економски сили и ново поглавје во билатералните односи меѓу двете земји.

Од него Македонија очекува  засилена економска и политичка соработка со Велика Британија во пресрет на плановите на Владата за засилен инвестициски циклус пред се во инфаструктурни проекти.