Стојчев: ИТН може да се расцепи, бугарските граѓани разочарани од Слави Трифонов
Во интервју за бугарското електронско издание Фактор, познат политолог и предавач на Софискиот универзитет, Стојчо Стојчев, коментираше дека пропадна и овој мандат за формирање влада на Бугарија и дека беше јасно дека овој формат на влада на партијата „Има таков народ“ нема да мине во Националното собрание.
Како што јавува дописникот на МИА од Софија, смета Стојчев, на истиот начин „Има таков народ“ најверојатно нема да го поддржи третиот обид за формирање влада на Бугарија.
Според него, не е исклучено партијата на Слави Трифонов да се подели и дел од нивните пратеници да покажат подготвеност за дијалог, со цел 46. Народно собрание да има подолг мандат и за да можат тие подолго да останат во него.
Аналитичарот е категоричен дека никој не е заинтересиран за нови избори во Бугарија. Целта на „Има таков народ“ беше да се разнебити политичкиот систем во земјата и во голема мера тоа беше постигнато. Прашањето е дали партијата на Слави Трифонов ќе ја преживее оваа „експлозија“. Многу е веројатно, доколку се поди на нови рани избори партијата на Слави трифонов да исчезне .
Според Стојчев, Слави Трифонов и неговите сценаристи веќе разочараа многу луѓе во Бугарија.
Според овој предавач на Софискиот универзитет сега најголемиот проблем не е во владата, туку дали ќе има мнозинство во Народното собрание, со кое таа ќе работи во период од една до две години.
Ново на Сител
-
Власта чека на ДУИ за измените во Законот за локална самоуправа
-
Тема на денот со Љупчо Петковски, политиколог
-
Дисциплинска за Наим Рамука и член на обезбедувањето на Гаши - МВР го расчисти инцидентот на Блаце
-
Мицкоски: Тензиите околу црквата во Врапчиште се дел од обидите за дестабилизација
-
Собранието ја почна процедурата за измени во Законот за локална самоуправа
-
Мицкоски: Ќе почекаме политичка влада во Бугарија, македонските ставови се јасни
-
Следната недела ќе се донесе есенска кошница со 100 производи
-
Дури 80 проценти од граѓаните од свој џеб си ги плаќале лековите кои им ги дале лекарите