Стејт департмент: Зближувањето меѓу Русија и Турција не го загрижува Вашингтон
САД не покажуваат загриженост од забележливото затоплување на односите меѓу Русија и Турција по нивниот неодамнешен период на заладени односи, и од перспективата за зацврстување на билатералните воено-технички врски меѓу Москва и Анкара, изјави вчера на редовниот брифинг со новинарите портпаролот на Стејт департментот, Џон Кирби, пренесе ТАСС.
- Што се однесува до промените во билатералните односи меѓу Турција и Русија, тоа е нивна работа. Се разбира, не постои забрана за тоа. Нема причини за загриженост, изјави Кирби.
Тој забележа дека Турција останува сојузник (на САД) во НАТО и важен партнер во борбата против Исламска држава.
- САД, од своја страна, ќе продолжат да бараат патишта за продлабочување и зацрстување на сопствените односи со Турција, уверува Кирби.
Тој Анкара ја оцени како „клучен сојузник, партнер и пријател“ на САД и повторно ги отфрли обвинувањата за учество на Вашингтон во неодамнешниот обид за државен преврат во Турција.
Истовремено, забележа портпаролот на Стејт департментот, САД не планираат да ги затворат очите пред ограничувањето на демократските права и слободи во Турција.
Вашингтон „не стравува да ја изразува, во приватни разговори и јавно, својата загриженост за ова прашање, затоа што „иднината на Турција е од големо значење за САД“, додаде американскиот дипломат.
Ново на Сител
-
Во сабота почнува полагањето на државната матура со тестот од првиот екстерен испит
-
Општина Аеродром: ДУП-от за Лисиче предвидува само една зграда, два парка и решава важни комунални прашања
-
Приведени крадци, одземеното возило вратено на сопственикот
-
Државен завод за ревизија: Неефикасно управување и стопанисување со државниот недвижен имот
-
Германска влада: Украина ги исполнува условите да преговара за пристапување во ЕУ
-
Костадиновска Стојчевска поднесе претставка против Африм Гаши бидејќи прво ја прочитал заклетвата на албански
-
Советот на Општина Аеродром го донесе деталниот урбанистички план за дел од населбата Лисиче
-
Приведен криминалец баран по централна потерница, осуден на 10 години затвор