Ставени во фунција фонтаните во Куманово

По пауза од три месеци јавното претпријатие „Водовод“ повторно ги пушти во употреба седумте фонтани во потесното градско подрачје во Куманово, информираа денеска од претпријатието.

Претходно, прецизираа, преземени се активности за непречено функционирање на фонтаните.

- Извршено е хлорирање на внатрешните инсталации на фонтаните, заменети се оштетените деловии со нови и наместени се водомери, за да имаме евиденнција колку вода трошат фонатаните, изјави Горан Стојковски, директорот на „Водовод“.

Во наредните денови, најави, ќе се пуштат во употреба и останатите три фонтани во поширокото градско подрчаје, откако „Водовод“ ќе ги набави неопходните делови за нивно сервисирање.

Стојковски апелираше до граѓаните совесно да ги користат фонтаните, бидејќи, како што рече, искуството покажува дека само по неколку денови од функционирањето несовесни граѓани ги оштетуваат пластичните делови на фонтаните, со што се создава дополнителен расход на претпријатието и се трошат непотребни количини вода.