Стартни победи за Пелистер, Кожув и Работнички

Со денешните три натпревари беше комплетирано првото коло од кошаркарската Супер лига. Во дербито на колото во Битола Пелистер го совлада ТФТ со 78:70, а во изедначен натпревар домашниот ти решавачката предност ја оствари во последната четвртина со 24:17.

На другите два денешни дуели победија гостите. Работнички предводен од капитенот Виктор Ефремовски и Роберт Рикиќ стигнаа до победата против новиот суперлигаш Струмица со 92:85, додека Кожув го победи вицепрвакот Скопје 2023 (поранешен Маџари) со 101:95. Комплетната стартна петорка на гевгеличани имаа двоцифрен број поени.

На вчерашниот дуел: Штип – Тиквеш 65:93, а во првиот дуел од првенството МЗТ Скопје Аеродром – МКК Куманово 85:77.

МИА