Стармер изрази загриженост поради „одвратната омраза“ кон Евреите и муслиманите од 7 октомври 2023
Британскиот премиер Кир Стармер изјави дека „искрите“ од конфликтот на Блискиот Исток го палат фитилот на нашите заедници тука, дома, додека изрази загриженост од „одвратната омраза“ што се покажува кон Евреите и муслиманите од 7 октомври 2023 година наваму, јави ДПА.
Во авторски текст за „Сандеј тајмс“ пред првата годишнина од нападот на Хамас врз Израел, Стармер ги повика сите страни во конфликтот „да дејствуваат воздржано и да се вратат на политичките, а не на воените решенија“.
„Пламенот на овој смртоносен конфликт сега се заканува да го зафати регионот. И искрите го осветлуваат фитилот во нашите заедници тука, дома“, напиша тој.
„Секогаш има луѓе кои би ги искористиле конфликтите во странство за да поттикнат конфликти овде. Од 7 октомври, видовме болна омраза кон Евреите и муслиманите како расте во нашите заедници“, додаде Стармер.
Претходно неделава, британскиот премиер изрази загриженост дека „регионот е на работ“, по ракетниот напад на Иран врз Израел.
Тој изјави дека „директен иранско-израелски конфликт би имал катастрофални последици за луѓето од Блискиот Исток и ширум светот.
„Сите земји мора да направат се што е во нивна моќ за да се повлечат од работ и да го спречат тоа“, рече Стармер.
„Годишнината од нападите на 7 октомври треба да не потсети на цената на политичкиот неуспех“, изјави тој и додаде дека „нема да најдеме сигурност во поголема дестабилизација. Подобра иднина нема да се добие со трауматизирање, осиротување и раселување на уште една генерација“
Ново на Сител
-
Бела куќа: Фактот што Трамп го покани Нетанјаху пред другите значи дека ќе продолжи цврсто да стои со Израел
-
Таткото на Фросина најави помасовни протести и бара доживотен затвор за Васил
-
Началникот на ГШ на германската армија предупредува на сериозноста на заканата од Русија
-
Членовите на американскиот Конгрес од Демократската партија ветуваат дека ќе го одбранат УСАИД
-
МОН: Македонскиот одбор за акредитација на високото образование би можел да се реорганизира по модел на унгарскиот
-
Нормализиран сообраќајот на регионалниот пат Каласлари – Градско
-
Кривична против градежна инспекторка од општина Куманово
-
Маж од Свети Николе нападнал малолетник