Стапи во сила договорот за примирјето во Сирија

Договорот за прекин на огнот во југозападниот дел на Сирија денеска на пладне, по локално време, стапи на сила. 

Синоќа, по средбата на претседателите на САД и Русија, Доналд Трамп и Владимир Путин, беше соопштено дека е постигнат договор за прекин на огнот во југозападниот дел на Сирија. 

Договорот, што беше направен меѓу САД и Русија, доби поддршка од ОН. 

Заменик-специјалниот претставник на ОН за Сирија Рамзи Рамзи изјави оти се надева дека договорот ќе доведе до намалување на насилството во Сирија, како и до постигнување на нови договори во земјата. 

- ОН секогаш пробуваат да ги намалат тензиите и ескалацијата на борбите, а јас мислам дека овој чекор е во вистински правец, наведе Рамзи.