Станков: Најголем дел од телата биле пронајдени кај задната врата на автобусот која не можела да се отвори

Директорот на Судска медицина, Александар Станков  во интервју за Телма изјави дека телата на жртвите во автобуската несреќа моментално се во Судската медицина во Софија и дека е во нивен интерес да ни ги предадат што побрзо, затоа што немаат временски капацитети, во кои би се чувале посмртните останки уште долго време.

-На местото на настанот се задржавме час и половина. Баравме некој кој одлучува. Исто така го погледнавме автобусот, но не можеме да извлечеме заклучок зошто дошло до брзо горење. Дека резервоарот дека бил дупнат, па настанало горење се шпекулации засега. Тела имаше насекаде во автобусот. Сепак, најголем дел кај задната врата, која, за жал, не можела да се отвори, вели Станков.