Средба Попоски-Сијарто
Македонско-унгарските билатерални односи, европската и евроатлантската интеграција на Македонија и актуелниот проблем сo мигрантската криза, беа тема на денешната средба во Будимпешта на македонскиот министер за надворешни работи Никола Попоски со неговиот унгарски колега Петер Сијарто.
- Македонија исклучително ја цени поддршката што Унгарија и ја дава во делот на евроинтегративниот процес и членството во НАТО, истакнал министерот Попоски.
Во контекст на мигрантската криза, како што соопшти МНР, се разговарало за билатералната помош што Македонија ја добива од Унгарија во насока за справување со предизвикот.
Министерот Попоски истакнал дека е потребен заеднички пристап од сите европски партнери, без да биде на штета на која било земја членка на ЕУ, со цел да се избегне ситуација притисокот од мигрантската криза да се пренесе врз земји кои не се членки во ЕУ, но се наоѓаат на мигрантската рута.
- Република Македонија денес почитува и имплементира одлуки на Советот на ЕУ, а не е земја членка ниту се отпочнати преговори. Македонски интерес е да продолжиме со спроведување на оние одлуки кои се договорени на ниво на ЕУ и се во согласност со принципите за кои се залагаме, посочил Попоски.
На средбата е договорено во наредниот период да се посвети повеќе внимание на зајакнување на економско-трговската соработка. Поздравена е и најавената поддршка на Владата на Унгарија за воспоставување директна авиолинија помеѓу Скопје и Будимпешта, соопшти македонското МНР.
Ново на Сител
-
Анализа: Може ли Македонија во ЕУ со политиката - Уставни измени со одложено дејство?
-
Запален автомобилот на новинарот Серсемов
-
Тема на денот со Орхан Муртезани, министерот за европски прашања
-
Младите од Македонија најмногу сакаат да ја напуштат државата споредено со врсниците од регионот
-
Таравари прими вакцина против грип - Со закон ќе се справуваат со антиваксерите
-
Фон Дер Лајен од Скопје: Проширувањето ќе остане врвен приоритет за ек во следните пет години
-
Прва средба на новите членови од историската комисија - Ќе има ли разлики?
-
Помилуваниот Равманоски повторно зад решетки, осомничен за обид за убиство