Средба на Жерновски со шефот на наблудувачката мисија на ОБСЕ/ОДИХР Корин Јонкер
Заменик министерот за надворешни работи, Андреј Жерновски, денеска се сретна со делегација на ОБСЕ/ОДИХР, предводена од шефот на Мисијата за набљудување на изборите во земјава, Корин Јонкер.
Шефот на Мисијата за набљудување на изборите во земјава, Корин Јонкер, како што соопшти Министерството за надворешни работи, истакнал дека последните претседателски избори биле одлично административно организирани и спроведени во демократска и фер атмосфера.
-Во таа смисла, Јонкер се осврна на променетата клима која доаѓа од цврстата заложба на Владата, како и од сите институции вклучени во изборниот процес, за креирање атмосфера за фер и транспарентни избори, се вели во соопштението од МНР.
На средбата, Жерновски истакнал дека нивните препораки претставуваат вистински ориентир за дополнително унапредување на изборната рамка. Во тој контекст, било нагласено дека Владата е цврсто решена да продолжи активно да соработува со ОДИХР и да ги имплементира препораките во однос на изборните процеси.
На крај, заеднички било констатирано дека реформските процеси го трансформираат и консолидираат македонското општество врз основа на владеењето на правото, човековите права и демократските принципи.
Ваквиот Извештај, како што посочуваат од МВР, во голема мера придонесува за позитивниот имиџ на нашата земја во пресрет на Европскиот совет во октомври, кога очекуваме валоризација на постигнатото.
Ново на Сител
-
Модриќ стана најстариот играч во историјата на Класико
-
Во Владата ќе биде потпишан договорот од првата транша од 250-те милиони евра наменети за општините
-
Државата троши нешто повеќе од 1 500 денари по глава на жител за правосудството
-
Трипл-дабл на Леброн Џејмс во победата на Лејкерс над Сакраменто
-
Светска програма за храна: Во светот 733 милиони луѓе се соочуваат со глад
-
Флик издвои еден играч по победата над Реал
-
Колективна оставка од Комисијата за помилување
-
Грузиската опозиција не ги прифаќа изборните резултати, најави улични протести