Средба на Заев со амбасадорите
Лидерот на СДСМ Зоран Заев, придружуван од заменик претседателката Радмила Шекеринска, денеска се сретна со амбасадорите на Германија, на Велика Британија, на Шведска и на Холандија, Кристине Д.Алтхаузер, Чарлс Гарет, Матс Стафансон и Ваутер Пломп.
На средбата, како што соопштува СДСМ, е оценето дека е неопходно демократските процеси во Македонија да продолжат со цел да се формира новата реформска Влада, според очекувањата на граѓаните.
- Имавме кредибилни избори, на коишто мнозинството граѓани го поддржаа концептот на едно општество, развој на Република Македонија и квалитетен живот. Преточено во пратенички мандати, тоа се 67 мандати со коишто е обезбедено парламентарното мнозинство и се создаден услови за разговори за формирање на новата Влада, истакнал Заев.
Тој додал дека е неопходно Иванов веднаш да го даде мандатот за формирање нова влада во Р.Македонија, во интерес на граѓаните и на државата.
Според него, нови избори би значеле само продлабочување на кризата. - Ние сме определени кон унитарна Република Македонија, тоа е поддржано и од партиите со кои го обезбедивме парламентарното мнозинство. Ја имаме веќе основата на новата владина програма за што ќе се разговара во процесот на формирање Влада, таа е поставена на реформи, нови работни места, квалитетно здравство, образование, правда, враќање на парите кон граѓаните и евро-атлантски развој на Македонија преку заедништво, а не поделби, рече Заев.
Во соопштението стои дека на состанокот се изразени очекувања за зрелост од сите страни со цел Македонија и граѓаните што побрзо да ја добијат новата Влада, на мирен начин, како што доликува на земја што има за цел да биде дел од демократскиот свет.
Ново на Сител
-
Експерти: ДИК не смее да усвојува правилник за изборите
-
Тема на денот со Борис Кондарко - Претседател на ДИК
-
Опозицијата бара кривична одговорност за началникот, Мицкоски вели ако се огрешил ќе одговара
-
Мицкоски контра Меџити - Убивањето на безбедносните сили од заседа во 2001 не може да е разумно
-
Упатство на ДИК за независните ќе биде без број на потписи и без заверка од нотар
-
Општините потрошиле рекордни 190 милиони евра преку тендери
-
Не исправна е одлуката на министерот за одземање на ингеренциите на Стоматолошката комора тврди претседателот
-
1.118 матуранти неделава повторно на „жешките“ столчиња