Средба на премиерот Димитриев со словенечката министерка за одбрана Катиќ
Претседателот на Владата на Република Македонија за спроведување на изборите, Емил Димитриев, денеска оствари средба со Андреја Катиќ, министер за одбрана на Република Словенија.
На средбата биле поздравени одличните односи кои постојат помеѓу двете земји и била искажана посветеност за нивно континуирано унапредување во сите сфери од взаемен интерес.
Како што соопшти владиниот Сектор за односи со јавноста, двете страни изразиле задоволство од билатералната соработка во областа на одбраната и безбедноста, како и од соработката на двете земји во овие сфери во регионален мултилатерален контекст.
- Беше поздравена иницијативата за воспоставувањето на балкански медицински наменски сили чиј штаб ќе биде отворен утре во Скопје, а во кои ќе партиципираат претставници на армиите на Македонија, Словенија, Србија, Босна и Херцеговина, Албанија и Црна Гора, стои во соопштението.
Димитриев и Катиќ ја потенцирале значајноста на потребата за членството на Република Македонија во Европската Унија и во НАТО.
Премиерот за спроведување на изборите Димитриев се заблагодарил за поддршката која Република Словенија и ја дава на Република Македонија за реализацијата на нашите европски и евро-атлантски интеграции, како и за соработката во реализацијата на реформите значајни за унапредување на стандардите во секоја општествена сфера.
На средбата станало збор и за предизвиците во врска со мигрантската криза, при што од страна на словенечката министерка за одбрана Катиќ била акцентирана клучната улога која Република Македонија ја има во рамки на процесот за менаџирање на овие предизвици.
- Беше реафирмирано дека за справување со предизвиците на мигрантската криза е потребен координиран пристап на земјите членки на Европската Унија и земјите кои се наоѓаат на балканската рута, и продолжување на соработката и координираните дејствија на сите земји на рутата, се вели во соопштението.
Соговорниците разговарале и за други теми од областа на соработката во сферата на одбраната и безбедноста.
Ново на Сител
-
Изгоре куќата на Александар Пандов – директорот на управата за извршување санкции смета дека е подметнат
-
Протест во Скопје на родителите на загинатите во дискотека во Кочани
-
Кочани повод за нова интерпелација за Тошковски за 100 дена
-
Тема на денот со Гордан Георгиев, Форум за разумни политики
-
Во странство остануваат 28 повредени во трагедијата во Кочани - Турција ќе прими до 15 за долготрајна рехабилитација
-
На Македонија и се заканува епидемија од морбили - опфатот лани помал од 2023
-
Ако цените од четврток скокнат - ќе има нови мерки!
-
Државна ревизија открива слабости во договорените јавно-приватни партнерства