Средба на министерот Спасовски со амбасадорот на Република Унгарија, Иштван Дукс
Министерот за внатрешни работи Оливер Спасовски заедно со заменик министерот Назим Буши и заменик директорот на Бирото за јавна безбедност Ариф Асани, денеска оствари работна средба со амбасадорот на Република Унгарија во нашата земја Лазло Иштван Дукс и заменик шефицата на мисијата Кристина Тихањи, како и ново назначеното полициско аташе за внатрешни работи Иштван Шегеди.
Билатерална соработка меѓу двете земји, особено низ призмата на евроатлантските интеграции, како и продлабочување на соработката во конкретни сфери од безбедноста како што се: борбата против тероризмот, организираниот криминал, кибер криминалот и други сфери од заеднички интерес, биле темите на кои се разговарало на денешната средба.
– Заеднички беше нагласена поддршката што пријателска Унгарија и ја пружа на нашата земја, во континуитет, особено во контекст на заедничката превенција против илегалната миграција преку постојаното присуство на унгарски полициски службеници распоредени на нашата јужна граница, коишто заедно со нашите и другите европски полициски службеници даваат активен придонес во заштита на границата од илегалните миграциски текови, се наведува во соопштението од МВР.
Министерот Спасовски и амбасадорот Дукс ја нагласиле и досегашната одлична оперативна соработка со тенденција за нејзино натамошно продлабочување особено преку новото назначено полициско аташе за внатрешни работи при амбасадата на Унгарија, Иштван Шегеди.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп