Средба на министерот Спасовски со амбасадорот на Република Унгарија, Иштван Дукс
Министерот за внатрешни работи Оливер Спасовски заедно со заменик министерот Назим Буши и заменик директорот на Бирото за јавна безбедност Ариф Асани, денеска оствари работна средба со амбасадорот на Република Унгарија во нашата земја Лазло Иштван Дукс и заменик шефицата на мисијата Кристина Тихањи, како и ново назначеното полициско аташе за внатрешни работи Иштван Шегеди.
Билатерална соработка меѓу двете земји, особено низ призмата на евроатлантските интеграции, како и продлабочување на соработката во конкретни сфери од безбедноста како што се: борбата против тероризмот, организираниот криминал, кибер криминалот и други сфери од заеднички интерес, биле темите на кои се разговарало на денешната средба.
– Заеднички беше нагласена поддршката што пријателска Унгарија и ја пружа на нашата земја, во континуитет, особено во контекст на заедничката превенција против илегалната миграција преку постојаното присуство на унгарски полициски службеници распоредени на нашата јужна граница, коишто заедно со нашите и другите европски полициски службеници даваат активен придонес во заштита на границата од илегалните миграциски текови, се наведува во соопштението од МВР.
Министерот Спасовски и амбасадорот Дукс ја нагласиле и досегашната одлична оперативна соработка со тенденција за нејзино натамошно продлабочување особено преку новото назначено полициско аташе за внатрешни работи при амбасадата на Унгарија, Иштван Шегеди.
Ново на Сител
-
108 нови случаи на Ковид-19 во земјава, нема пријавено починати лица
-
Ковачевски: Политиките на раст на платата ќе продолжат со засилена динамика
-
На патот Тетово - Скопје изгоре автомобил „мерцедес“ во пожар кој започнал при движење на возилото
-
Уставниот суд ја отфрли иницијативата на Левица за разрешувањето на Фадил Зендели
-
Трас: Путин се обидува цел свет да го држи во заложништво
-
Ковачевски: Одлуката за автокефалност на МПЦ-ОА е од огромно значење за иднината на државата
-
Дојран доби детско игралиште во чест и сеќавање на донорката на органи Емилија Динева
-
Ковачевски: Не закажувам јас седници, ниту можам да му наредам на Собранието како ќе го спроведува Етичкиот кодекс