Средба на министерот Муцунски со амбасадорот на Обединетото Кралство, Лосон
Министерот за надворешни работи и надворешна трговија, Тимчо Муцунски, денеска се сретнал со амбасадорот на Обединетото Кралство, Метју Лосон.
На средбата било истакнато заемното задоволство од развојот на одличните билатерални односи, кои двете пријателски земји во континуитет ги негуваат во изминатиот три-децениски период. Како што соопштија од МНР, била искажана и подготвеност за натамошното унапредување на меѓусебното пријателство и долгогодишната соработка во периодот што следи.
- Во фокусот на разговорите беше сојузништвото во рамки на НАТО, при што беше истакната потребата за продолжување на блиската соработка на двете земји во рамките на Алијансата, особено во контекст на претстојниот самит на НАТО во Вашингтон. Како сојузници, двете земји континуирано и со заемни заложби активно придонесуваат во правец на зачувување на глобалниот мир и трансатлантската стабилност, имајќи ги предвид актуелните безбедносни предизвици, се наведува во соопштението.
Министерот Муцунски се осврнал и на тековниот британски проект за јакнење на капацитетите на Директоратот за НАТО, при што изразил благодарност за поддршката која придонесува за уште поефикасно остварување на нашата политичка и координативна улога околу разни прашања врзани со членството во Алијансата.
Како најголем трговски партнер на ОК во регионот и воедно втор најголем странски директен инвеститор за нашата земја, се додава во соопштението, соговорниците ги потврдиле силните економски и трговски односи меѓу двете земји и го нагласиле интересот за нивно натамошно зајакнување.
На средбата станало збор и за нашиот евроинтегративен процес, посветеноста на реформите и севкупниот општествено-политички и демократски развој на земјава.
Ново на Сител
-
САД ќе продолжат да се ангажираат за прашања од заеднички интерес
-
Може ли за неколку месеци да се стане АИ експерт? | Growth Labs Academy | Sitel Podcast 050
-
Полицијата презема мерки за пронаоѓање шест лица - работници од Непал
-
Избувна пожар во светиниколско: Изгоре штала, две грла добиток, млин, сточна храна
-
Во Струмица oбид за киднапирање на тригодишно дете, полицијата испитува дали се работи за кривично дело
-
Мицкоски за можна средба со Мицотакис во Вашингтон: Се надевам дека ќе го задржиме достоинството и дека ќе разговараме како партнери и добри соседи
-
Путин очекува Орбан да зборува од името на Европа за Украина
-
НАТО на самитот во Вашингтон ќе бара стандардизација на артилериската муниција