Македонија
6. October 2017 - 21:03

Средба на Макрадули со јапонската амбасадорка Ханеда

 - Заменик министерот за животна средина и просторно планирање, Јани Макрадули, денеска, имаше средба со амбасадорката на Јапонија во Република Македонија, Кеико Ханеда.

Како што соопшти МЖСПП, на средбата се разговараше за досегашната соработка меѓу двете држави во областа на животна средина, која покажа одлични резултати, како и за можностите за размена на позитивни искуства и координирање на заедничките активности меѓу двете држави.

- Исто така, Макрадули и Ханеда развија дискусија околу активностите за ратификација на Минамата Конвенцијата за жива, чии потписнички се Р. Македонија и Јапонија, при што за Македонија се приоритетни поддршката, знаењето и искуството кои Јапонија сака да ги сподели со нашата држава, стои во соопштението. 

Ново на Сител