Ѓоковиќ ја започна 392. седмица како лидер на АТП листата

Српскиот тенисер Новак Ѓоковиќ денес ја започна 392-та недела на првото место на АТП ранг-листата.

На денешното рангирање најдобриот српски тенисер Новак Ѓоковиќ остана на врвот со 11.795 поени пред второпласираниот Карлос Алкараз од Шпанија кој има 8.535 поени.

Следува ривалот на Новак од финалето на УС Опен, Данил Медведев со 7.280 бодови, а четвртото му припаѓа на Холгер Руне од Данска, кој е далеку зад водечката тројка со 4.710 бодови.

Во Топ 10 се и: Стефанос Циципас (Грција) со 4.615 бодови, Андреј Рубљев (Русија) со 4.515, Јаник Синер (Италија) со 4.465 поени, Тејлор Фриц (САД) со 3.955, Каспер Руд (Норвешка) со 3.560 и Александар Зверев (Германија) 3.030 бодови.