Спасувачка акција за извлекување на 21 кинески рудар
Спасувачки екипи се обидуваат да извлечат 21 рудар, кои се блокирани во рудник за јаглен во регионот Ксинџијанг во северозападниот дел на Кина, откако поплава ја прекина електричната енергија под земја и ја наруши комуникацијата, објавија државните медиуми.
Инцидентот се случил синоќа по локално време во рудникот за јаглен Фенгуан во округот Хутуби, додека работниците вршеле активности за модернизација на објектот, објави кинеската новинска агенција Синхуа.
Според првичните информации, осум од 29-те рудари кои се наоѓале на местото на инцидентот биле спасени.
Спасувачките екипи лоцирале 12 од 21 блокиран рудар, објави ЦЦТВ, но не е јасно дали тие се наоѓаат на една иста локација.
Се прават обиди за испумпување на водата од поплавеното окно и за снабдување со воздух во рудникот. Се поставуваат цевки, но пумпањето се спроведува многу тешко, наведува ЦЦТВ.
Кинеските рудници се меѓу најопасните и најсмртоносните во светот поради честите експлозии и истекувања на гас.
Ново на Сител
-
Вербални закани кон претседателката на Уставниот суд Добрила Кацарска, случајот пријавен во полиција
-
Едно лице почина, а друго се бори за живот по повреди добиени во лифт во угостителски објект во Штип
-
Стара експлозивна направа пронајдена во двор во делчевското село Вирче
-
Баер го победи Аугсбург и ја заврши сезоната во Бундеслигата без пораз
-
Маж од Валандово најден починат дома, ќе се прави обдукција
-
Кривична пријава против градоначалник поради противзаконито располагање со буџетски средства
-
Фоден играч на сезоната во Премиер лигата
-
Убиство и самоубиство во Бјеловар, Хрватска