Спасовски се сретна со австриската амбасадорка Коблер
Министерот за внатрешни работи Оливер Спасовски денеска одржа работна средба со амбасадорката на Република Австрија Ренате Коблер.
МВР соопшти дека амбасадорката Коблер му го честита изборот на министерот Спасовски и му посака успешна работа, а му врачи и честитка од министерот за внатрешни работи на Република Австрија. Таа ги потенцира одличните односи меѓу двете земји и посветеноста на Република Австрија максимално да и помогне на Република Македонија и во наредниот период. Во тој правец е и поддршката за македонската полиција преку низа проекти, но и со присуство на контингент од дваесетина австриски полицајци на јужната граница, кои и помагаат на македонската полиција во справувањето со проблемот со мигрантите.
Министерот Спасовски се заблагодари на честитките и досегашната соработка со Република Австрија, особено за присуството на австриските полицајци на јужната граница и нивниот придонес во справувањето со проблемот со мигрантите. Министерот Спасовски најави скоро почнување на преговори за постигнување на договор со ФРОНТЕКС, што многу ќе помогне во справиувањето со евентуалниот нов бран на мигранти. Тој ја потенцира решеноста за спроведување на реформи во македонската полиција, со крајна цел полицијата да се департизира и декриминализира и да биде вистински сервис на граѓаните, се вели во соопштението од МВР.
Ново на Сител
-
Мицкоски: Нашата Армија е гаранција дека овој народ ќе има поле да се развива, да создава и да ја гради својата иднина
-
Три активни пожари - во Јасен, Студеничани и Липково
-
Кривична против 43-годишник од Скопје, физички нападнал едно лице со нож во хотел
-
Прегазен 74-годишник во Тетово, возачот побегнал од местото на настанот
-
Сообраќајна несреќа помеѓу два автомобили и автобус, повредени пет лица, едно лице со тешки телесни повреди
-
Вчера 596 санкционирани возачи за возење со брзина поголема од дозволената
-
Пожар од запалена цигара оставена на душек во Кавадарци
-
Утре локален пороен дожд, од среда до петок стабилно, за викендот повторно врнежи