Спасовски–Пленковиќ: Одржувањето на Самитот за Западен Балкан во Загреб е силна порака за поддршка на регионот
Претседателот на Владата на Република Македонија Оливер Спасовски денеска имаше телефонски разговор со хрватскиот премиер Андреј Пленковиќ, кој овие денови разговара со сите учесници на Самитот на ЕУ за Западен Балкан во Загреб, што требаше да се одржи на 7-ми мај, соопшти владината прес-служба.
Премиерите Спасовски и Пленковиќ разговараа за ситуацијата во двете држави во врска со справувањето со пандемијата на вирусот КОВИД-19. Беа разменети информации и искуства за справувањето со здравствената криза и со економските последици од неа. Двајцата премиери искажаа подготвеност за меѓусебна поддршка за спроведување на досегашните мерки и потенцираа дека само со заеднички напори, меѓусебна помош и европска солидарност на дело може да надминат актуелните предизвици.
Спасовски во телефонскиот разговор истакна дека апсолутно е за поддршка на пораката дека Самитот во Загреб ќе се одржи до крајот на хрватското претседателство како силна порака дека Западен Балкан останува приоритет за ЕУ, и покрај тешките денови за регионот, за Европа и за светот заради справувањето со коронавирусот, и дека со оптимизам се очекуваат најавите за план за економски развој и заедничко надминување на последиците од пандемијата.
Во разговорот со хрватскиот премиер, Спасовски се заблагодари за долгогодишната поддршка од Хрватска и нагласи дека Македонија останува посветена на регионалната соработка и ќе биде силен партнер на Хрватска, како претседавач на Советот на ЕУ, во справувањето со пандемијата и во сите други заеднички предизвици, како и во плановите за развој и соработка, се вели во соопштението од владината прес-служба.
Ново на Сител
-
Укината блокада на трите гранични премини меѓу Косово и Србија
-
Ангелов: Попладневните дождови помогнаа во гаснењето на пожарот во прилепско Мариово
-
Бод за македонската репрезентација од гостувањето во Фарски острови
-
Тројца малолетници лишени од слобода поради физички напад во Градски парк
-
Две лица од Кочани лишени од слобода поради сомнение дека извршиле убиство на нивниот сосед во неговиот дом
-
Средношколец од Скопје се заканувал на вработени во училиштето, оштетил инвентар
-
Николовски: Го поставивме лозаровинарскиот сектор како еден од најприоритетните во делот на поддршката од Владата и државата
-
Мелони и Зеленски разговараа за постигнување праведен мир и обнова