Спасовски: Изборите нема да го пролонгираат ветингот во МВР
Процесот на ветинг во полицијата тече. Избран е моделот, формирана е работна група која ќе работи на тоа дали да се оди на нов закон или измена на законските решенија. Тоа треба да заврши до почетокот на следната година и оттогаш да почне проверката.
Ова го истакна министерот за внатрешни работи одговорајќи на новинарски прашања при денешната посета на Валандово, оценувајќи дека предвремените парламентарни избори нема да го пролонгираат тој процес.
– Ветингот не е само најава. Процесот на ветинг започна во МВР. Процесот на ветинг не подразбира само старт кога ќе започнат проверките на вработените. Процесот на ветинг подразбира да се одбере моделот. Тоа го завршивме, односно да се направи прво план како тој ветинг ќе се прави, да се одбере моделот, да се приспособи законската регулатива. Сега имаме формирано работна група која што ќе работи токму на тој дел – дали ќе одиме на нов закон, измена на постојните законски решенија, подзаконските акти. На основа на тоа кога ќе се формира таа правна рамка, а таа има рокови во кои треба да биде дефинирана, некаде во почетокот на нареднава година и од тогаш веќе ќе стартуваат проверките, изјави Спасовски.
Според него, тоа би бил средина на патот на проверките во МВР. Тој процес е неминовен и тој процес мора да го истераме до крај се со цел едноставно институциите да се ослободат од луѓе кои не се достојни да бидат дел од институциите, меѓутоа и да ги заштитиме сите одговорни и професионални кадри во македонската полиција кои навистина даваат се за да се сочува безбедноста, да ги јакне интегритетот и довербата на граѓаните во полицијата.
За тоа дали предвремените избори ќе го пролонгираат процесот министерот вели дека тој процес ќе тече. -Парламентарните избори сигурно дека ќе завршат и понатаму продолжуваме, посочи министерот за внатрешни работи
Ново на Сител
-
МВР: Кривична пријава против поранешен градоначалник на скопска општина
-
Што и како помага психотерапијата | Елена Џебр | Личен развој | Sitel Podcast 031
-
Повреден малолетник, истепан со дрвени и метални предмети од други малолетници
-
Кривична против тројца скопјани за „убиство во обид“ и „соизвршителство“
-
54-годишна скопјанка пронајдена почината
-
ДИК не го прифати приговорот за гласањето во Липково
-
Рендевски и Алексовски автори на поглавје во книгата „Двете страни глутаматот“
-
Пронајдена граната во близина на камп во Гевгелија