Спасовски - Филипче: Приоритетно вакцинирање на полициските службеници
Денеска во Министерството за внатрешни работи на покана од министерот Оливер Спасовски се одржа работен состанок меѓу раководствата на Министерството за внатрешни работи и Министерството за здравство предводено од министерот д-р Венко Филипче. Целта на денешниот работен состанок беше прецизирање на термините и постапката за отпочнување на вакцинацијата на полициските службеници, особено на оние кои се директно изложени и учествуваат во борбата за спречување на ширење на пандемијата со коронавирусот.
Од страна на министерот за здравство Филипче беше потврдено дека вакцинацијата продолжува според националниот план за вакцинирање на приоритетните групи,а во оваа фаза започнува вакцинацијата на повозрасната група граѓани.
Со оглед на влошувањето на епидемиолошката состојба во земјата, на средбата се утврди и потребата од приоритетно вакцинирање на сите полициски службеници. Притоа, министерот Спасовски потенцираше дека Министерството за внатрешни работи е подготвено со своите логистички, медицинскии инфраструктурни капацитети да учествува во реализацијата на овој процес.
На состанокот, меѓу другото,беше истакната и потребата од заедничка средба со верските лидери во земјава, во пресрет на престојните рамазански и велигденски празнувања.
Ново на Сител
-
ЈОРСМ: Дадена наредба за обдукција на починатиот притвореник од Затвор Куманово
-
Адвокат почина во Граѓанскиот суд во Скопје
-
Повторно одложен судскиот процес за Пендиков
-
Тошковски во посета на оперативниот тим „Кафез“ и Регионалниот центар за гранични работи Север
-
Османи во Стразбур, на сесијата на Комитетот на Министри на Совет на Европа
-
На Фицо ќе му биде извршена уште една операција
-
Утре стабилизирање на времето, а од сабота повторно дожд и грмежи
-
Кривична пријава за три лица, лажно нуделе градежен материјал во Охрид и Струга